Día dos dereitos do neno
Hoxe celébrase o día internacional da infancia. Un día co se recorda que en pleno século XXI, aínda que pareza mintira, moitos nenos están vendo diariamente cómo os seus dereitos son vulnerados, mediante un trato indigno, forzados moitos deles a facer traballos cos que lles están roubando a infancia, mentres o mundo mira para outro lado. Aínda que pareza mintira, a moitos nenos négaselles uns dereitos tan básicos coma crecer nun ambiente de afecto, estar alimentados, e divertirse.
Deberiamos recordar neste día, cales son eses dereitos do neno e facer entre todos desta sociedade frenética e individualista, algo máis xusto.
- Dereitos á supervivencia: que buscan protexer e garantir o dereito á vida e a satisfacer as súas necesidad máis básicas, coma o alimento, o abrigo e a protección da saúde.
- Dereitos ó desenvolvemento: que buscan protexer e garantir o desenvolvemente pleno (físico, espiritual, moral e social), coma o dereito á educación, á cultura, ó xogo e á liberdade de pensamento, conciencia e relixión.
- Dereitos á protección: que buscan protexer e garantir que non sexan obxecto de abusos, neglixencia e explotación, coma o dereito ó nome (identidade), nacionalidade e coidado
- Dereitos á participación: que buscan protexer e garantir a
súa participación nas decisións que lles afectan e nas actividades das
súas comunidades locais e países, coma a liberdade de expresión. - Dereitos a ser escoitado: que buscan protexer e garantir o
seu respecto polos demais. Por que se non escoitas a un neno, este
tampouco escoitará ós demais (é para a súa educación).
