O Concello de Redondela abandeira o manifesto a favor da imposición da lingua galega
www.vigometropolitano.com
Esta iniciativa, proposta polo concello de Redondela, a Secretaría Xeral de Política Lingüística e a dirección da TVG, ten como principal obxectivo implicar os distintos concellos e comisións de festas populares “para conseguirmos, entre todos, que eses espazos de lecer reflictan e potencien a nosa cultura e lingua”.
O acordo ten como obxectivo acadar os seguintes puntos.
Toponimia. Uso correcto de parroquias, aldeas e lugares onde se realizan as celebracióons.
Corrección gramatical. Ter especial coidado no uso da normativa da Real Academia Galega.
Contratos. Redaccións dos distintos contratos (orquestras, bandas de musica) relacionados coa festividade en galego.
Actos relixiosos. Potenciar a realizacións dos distintos actos relixiosos en galego.
Publicidade. Realización dos distintos elementos anunciadores da festividade en galego.
Galeguización musical. Establecer unha porcentaxe do repertorio das orquestras nas versións de lingua galega.
Utilización de bandeira e himno. As comisións de festas porán especial atención en que a bandeira galego e o himno sexan utilizados correctamente, eliminando os usos indecorosos ou a desproporcionalidade.
Exaltación da entidade territorial. Exaltación dos valores patrimoniais (materiais e inmateriais) para concienciar a poboación .
Aínda estamos a buscar mais recunchos da nosa cotidianeidade para impoñer á xente o idioma no que ten que escribir, conversar, ou da-la misa.
De seguro que se o Concello de Redondela se adicase a gobernar e a solventa-los problemas da xente, lle estariamos todos mais agradecidos.
Paréceme que estamos a perde-lo norte e que o que a uns lles parece potenciar e fomentar, a outros nos parece impoñer polas bravas. Eu, dende logo, seguirei expresándome na lingua que me dea a gaña no espazo e no tempo que considere oportuno. É o mínimo que se pode pedir á liberdade de expresión, que para iso temos dúas linguas oficiais para escoller, e non só unha, como algúns queren que sexa.
