Comezou a precampaña electoral!
Estes días son os primeiros da precampaña electoral. Con eles xa se andiveron os primeiros pasos nos Partidos de Galicia para captar os votos dos galegos.
O Partido Popular presentou unha páxina web innovadora que aglutina as redes sociais de internet e as principais páxinas para distribuir información a través da rede: youtube, blogguer, flickr, tuenti, facebook...
http://www.recargandogalicia.com
Sen dúbida un acerto que terá a súa proxección segura na xuventude.
En contrapartida, atopamos unha campaña do PSOE con cartelería de fondo negro, que non reflicte nada mais que o escurantismo e a opacidade que caracterizou ao Bipartito durante estes 4 anos de lexislatura, unha cor negra que agocha os intereses e o amiguismo que se cheirou na Xunta coa esquerda.
A negrura que simboliza a política pouco clara e pouco transparente que Touriño e Quintana levaron a cabo, unha transparencia que agora prometen, será porque ata o de agora non a houbo.
Galicia precisa dun Presidente, dun só Presidente, dun bo Presidente que saiba levar con eficiencia o timón deste barco á deriva que é a nosa Comunidade co Bipartito.
Galicia precisa dun cambio urxente que devolva a prosperidade que se perdeu, que permita camiñar de novo cara adiante o retroceso que supuxo unha lexilatura na que primou mais o protagonismo, a propaganda e o derroche que o sentido común.
