A falsa realidade do Alcalde
el 27 mar En: Política - 1 comentario
O señor Xaime Rei ten a perspectiva un tanto distorsionada do que acontece na vila que di gobernar, pero que en realidade non se molesta nin en visitar para coñecer o sentir dos veciños e veciñas.
Hoxe na prensa enche a boca dicindo que todo o mundo defende o ramal 5 da A-57, cousa que sabe moi ben que non é certa.
Dende o principio, tanto os veciños coma o PP defenderon a alternativa 11 que parte de Pazos de Borbén, e a defenderon como a mais curta, a de menor coste dada a época de crise económica na que estamos, a de menor impacto ambiental nos nosos montes, e sobre todo, a de menor prexuizo para os veciños de Redondela.
Ao señor Alcalde non lle deben importar as mais de 100 casas que a A-5 se leva por diante, e agora pretende meternos a todos no mesmo saco porque non lle convén deixar ver que se quedou só na defensa duha atrocidade como dúas autovías paralelas.
Recordámoslle a Xaime Rei que os que defendemos outra alternativa distinta á súa, somos a maioría, e non é que non representemos a ninguén como él sostén, senón que representamos á moita xente de Redondela que depositou o seu voto nas urnas para o Partido mais votado: o Partido Popular.
Aínda que nunca chegou o Alcalde a superar a humillación de ver cómo o PP superaba en votos ao seu partido, a realidade é que nós representamos a mais xente da que o seu partido representa, e tanto o feito de ter suspendido o Pleno á primeira de cambio como as afirmacións de hoxe do señor Rei, só demostran a súa falta de talante democrático, de pouco respeto ás institucións e a súa pretensión de tapar a boca á oposición.
Nós xa llo dixemos en mais dunha ocasión e o voltamos repetir, non o conseguirá, seguiremos facendo o noso traballo, o traballo que o pobo de Redondela confía en que fagamos. Sen excusa, sen tregua, sen actitudes dictatoriais como a súa... en definitiva, coas reglas do xogo democrático como guía.
Laura respecto a túa opinión, e entendo que cada quen, fala da feira como lle vai nela, pero non a comparto a opinión vosa nin a de Jaime, e creo que nalguns aspectos as cosas non son coma ti dis. Dices que dende o principio tanto os veciño coma o PP defenderon, a alternativa 11, e non é certo, porque dende o principio, que existen alternativas numeradas, a Plataforma Cidadá de Redondela oponse a todas e cada unha das alternativas. Dende o principio existiu unha forte oposición as variantes e as alternativas. @s polítci@s acostumades a contar todos os votos que recibides un día, cada catro anos, como apoios a todos os vosos posicionamentos diarios, e que eu sepa ningún partido obtivo respaldo popular algún no seu posicionamento particular frente a autovía. Só a Plataforma Cidadá de Redondela, obtivo respaldo popular no asunto concreto da autovía, presentando máis de 9.000 alegacións contrarias dos veciños e veciñas de Redondela.
En Redondela, somos 30.000 habitantes, dos que só 19.000 teñen dereito a voto, máis Jaime e outros, contan o seu respaldo popular, como "toda Redondela", cando un tercio da poboación redondelá non ten dereito a voto. Dos 19.000 con dereito a voto a metade, o non votaron, ou votaron en branco, ou nulo, nas pasadas municipais, e só quedan 1/3 da poboación de Redondela que votaron algún dos partidos pseudodemocráticos. A maioría dos redondeláns, (2/3), non votaron BNG, PSOE, PP, PG, BNG, EU-IU, TG, etc, nas eleccións de maio do 2007.
O sr. Alcade non lle importan casa nin xente nin nada, el xa ten a carteira chea de cartos, que é o que algún día lle importou, agora cabalga como o cid campador, na súa última batalla, só por asegurarlle unha lexislatura máis ao PSOE local, (que rematará caendo por aburrimento). Este Sr. foi ben definido por un amigo meu, "esta borracho de poder" e así, actua como actua.
Ao meu pesar, a algúns cidadáns de Redondela, non nos queda outra que seguir votando nulo, e volveremos á carga en próximas datas. Nin AVE, nin Autovía, nin recheos na Ría!.