Novo uso partidista das institucións públicas

De novo atopámonos con prácticas pouco éticas por parte do Goberno local, esta vez pola banda do Partido Socialista, que non dubida  en empapelar as portas do Concello con panfletos da súa organización xuvenil.

Deben pensar que son parte do seu mobiliario particular, ou deben ter moito parecido coa súa sede, que xa as confunden.

Ata onde eu sei, xamais as Novas Xeracións empregaron a institución do pobo como medio para acadar ningún fin, e mira por onde que as Xuventudes Socialistas abriron a veda, a pesares de que o señor Emilio González afirmara onte no Pleno, iso si, coa boca pequena, que non tiña constancia de ningún cartel político no Concello. Extrano, se temos en conta que dito cartel se atopa xunto ao salón de Plenos e se da con él nas narices tódolos días.

Pero non lle deben dar importancia a este uso partidista das institucións públicas, xa que están acostumados a tomarse a casa consistorial como a casa socialista e nacionalista.

A miña postura é clara, por moi bos que sexan os fines que se anuncian no cartel de marras, iso non xustifica que se empreguen medios pouco éticos, e dende logo, niso, estanse lucindo.

servido por lauraalonso 1 comentario compártelo