O burka xa é historia nas rúas españolas... bravo!
O Senado deulle luz verde onte ao inicio da prohibición do uso do burka nos espazos públicos do noso país... BRAVO!
Alicia Sánchez Camacho, Senadora do Partido Popular, presentou unha moción que instaba á prohibición do uso do burka en espazos públicos. Curiosamente, o PSOE votou en contra... impresionante se temos en conta que foron os creadores dun Ministerio da Igualdade que aínda non sabemos moi ben a qué se adica... aínda que debería protexer ás mulleres neste tipo de cousas.
http://www.abc.es/20100625/nacional/aido-sostiene-prohibir-burka-20100625.html
Un atentado contra a dignidade das mulleres, un xeito de escravitude que altera a percepción da realidade por unhas pobres víctimas dos complexos de inferioridade dos homes que as obrigan a levalo... ¿alguén querería levar voluntariamente un burka?
Nas clases que recibín de antropoloxía na facultade de Filosofía, debatemos un día de cuestións coma éstas... ¿Todo o que se fai en nome dunha cultura debe considerarse cultura e respetarse? e polo tanto... ¿debemos acudir ao relativismo cultural que nos insta a non xulgar ás demais culturas dende a propia nosa para non caer en prexuizos?
Nese debate a miña profesora dixo algo que me quedou grabado na mente a lume e co que estou plenamente dacordo... TODO O QUE ATENTE FÍSICAMENTE (eu engado "e psicolóxicamente") CONTRA AS MULLERES (ou homes, pero curiosamente isto nunca sucede) DEBE CONSIDERARSE UN ATENTADO E NON UNHA MANIFESTACIÓN CULTURAL.
Agardo atoparme un día coa miña profesora para darlle as grazas por aquela clase, e agardo non atoparme nunca mais cunha muller que porte un burka...
